અમરેલી જિલ્લામાં પોલીસ અધીક્ષકના નિયંત્રણ હેઠળ હાલમાં ૦૫-નાયબ પોલીસ અધિક્ષકશ્રી, ૧૫-પોલીસ ઈન્સ્પેકટરશ્રી, ૪૨-પોલીસ સબ ઈન્સ્પેકટરશ્રી અને ૧૩૭૭-પોલીસ કર્મચારીઓ કાયદો અને વ્યવસ્થાની જાળવણી અંગેની ફરજ નીચે મુજબ બજાવે છે.

• જિલ્લામાં મહાનુભાવો મુલાકાતે પધારે ત્યારે તેઓશ્રીની કેટેગરી મુજબની સુરક્ષાવ્યવસ્થા જાળવવામાં આવે છે.
• જિલ્લામાં કોમ્યુનલ બનાવ તેમજ વર્ગ-વિગ્રહના બનાવો દરમ્યાન પરિસ્થિતિને અનુલક્ષીને કાયદો અને વ્યવસ્થાની જાળવણી કરવામાં આવે છે.
• જિલ્લામાં ધાર્મિક તહેવારો તેમજ મેળાઉત્સવો સંબંધે અગાઉથી આયોજન કરી કાયદો અને વ્યવસ્થાની જાળવણી કરવામાં આવે છે.
• જિલ્લામાં ધરણાં, રેલી, આત્મવિલોપન અને હડતાલ જેવા કાર્યક્રમો દરમ્યાન અગમચેતીના ભાગરૂપે કાયદો અને વ્યવસ્થાની જાળવણી કરવામાં આવે છે.

જિલ્લામાં કાયદો અને વ્યવસ્થા માટે જયારે પણ વધુ ફોર્સની જરૂર જણાય ત્યારે એસ.આર.પી., હોમગાર્ડ અને જી.આર.ડી.ની મદદ લેવામાં આવે છે.