એસપીનો  સંદેશ

            અમરેલી જિલ્લામાં બનતા ગુનાઓ અટકાવવા તથા શોધવા માટે પોલીસ અધિકારીઓ તથા કર્મચારીઓ સતત કાર્યદક્ષ રહી પ્રજાજનોને સારામાં સારી સેવા આપી કાયદો અને વ્યવસ્થાની જાળવણી કરવા સતત પ્રયત્નશીલ રહેશે.જિલ્લામાં પ્રવાસ માટેના સ્થળો,ધાર્મિક સ્થળો ખાતે પ્રવાસમાં આવતા પ્રવાસીઓ માટે વિશેષ યુનિફોર્મધારી પોલીસના માણસોને તૈનાત કરવાની કામગીરી કરવામાં આવેલ છે, આ રીતે પ્રવાસીઓને મદદરૂપ થવાનો  શકયતઃ તમામ પ્રયાસ કરવાનો આશય છે.અત્રેના જીલ્લામાં ટ્રાફિક નિયમ માટે ટ્રાફિક બ્રિગેડને ટ્રાફિકની સમસ્યા નિવારવા માટે વધુમાં વધુ પો.સ્ટે.ની હદમાં ટ્રાફિક પોઇન્ટ શરૂ કરવામા આવેલ છે.

        આપની સાથે કંઇ પણ ગુનાહિત બાબત બને તો તાત્કાલિક જે તે પોલીસ સ્ટેશનમાં અગર તો સ્થળ ઉપર તૈનાત પોલીસ કર્મચારી ને ફરિયાદ કરવી.આ કામગીરીમાં અમરેલી પોલીસ દળને પ્રજાજનો નો સહકાર મળતો રહેશે તેવી અપેક્ષા રાખવામાં આવે છે.